देबचुलीमा आज ६३ आरडीटी परिक्षणः स्वास्थ्यकर्मी, सुरक्षाकर्मी, सञ्चारकर्मी सहितको भयो परिक्षण

खगेन्द्र पराजुली, 

८ जेठ, नवलपुर । 

देबचुली नगरपालिकामा आज ६३ जनाको र्यापिड डाईग्नोष्टिक टेष्ट आरडीटी भएको छ । द्रुत परीक्षण बिधिबाट भएको कोरोना परीक्षणमा सबैको रिपोर्ट नेगेटिभ आएको नगर स्वास्थ्य शाखा देबचुलीका प्रमुख रामकुमार श्रेष्ठले बताउनुभयो । 

शाखा प्रमुख श्रेष्ठका अनुसार आज बिहीवार परीक्षण हुनेमा नगरपालिका अन्तर्गत खटिएका प्रहरी, ससस्त्र प्रहरी, जनपद प्रहरी, स्वास्थ्यकर्मी, एम्बुलेन्स चालक, नगर प्रहरी, फोहोर ब्यवस्थापनका कर्मचारी र सञ्चाकर्मीको आरडीटी किटबाट कोरोना परिक्षण भएको हो । 

प्राथमिक स्वास्थ्य केन्द्र दुम्कौलीमा र अन्य स्वास्थ्य चौकीहरुमा भएको परीक्षणमा  अस्थायी प्रहरी चौकी दलदलेमा कार्यरत २ जना प्रहरी, औधोगिक सुरक्षा बेश क्याम्प दलदलेका ससस्त्र प्रहरी ५ जना र जनपद प्रहरी ७ जना, नगर प्रहरी २ जना, एम्बुलेन्स चालक ८ जना, फोहोर ब्यवस्थापनका  कर्मचारी ४ जना, स्वास्थ्यकर्मी २५ जना र जिल्ला

प्रशासन कार्यालयबाट सिफारीस भई आएका देबचुली पायक पर्ने १०  जना सञ्चारकर्मीको आरडीटी जाँच भएको स्वास्थ्य शाखाले जनाएको छ । 

देबचुली नगरपालिकामा आज गरिएका ६३ आरडीटी सहित हालसम्म जम्मा २ सय ३९ आरडीटी नमुना परिक्षण भएका छन् ।  

यहाँ परीक्षण भएका आरडीटीका सबै नमूनाको रिपोर्ट नेगेटिभ रहेका छन् ।