मोटरसाईकलको ठक्करबाट कैलाशचोकका बृद्ध गम्भीर घाईते

खगेन्द्र पराजुली, 

२३ साउन, नवलपुर । 

दलदले मुण्डे सडकखण्डमा मोटरसाईकलले ठक्कर दिदा एक जना पुरुष गम्भीर घाईते भएका छन् । आज शुक्रवार साँझ साढे ७ बजे देबचुली १३ कैलाशचोक देखि १ सय मिटर दक्षिणमा लु १३ प ६९२७ नं. को पल्सर मोटरसाईकलले देबचुली १३ का ७० बर्षका बृद्ध पहलसिंह कामीलाई ठक्कर दिएको अस्थायी प्रहरी पोष्ट दलदलेका प्रमुख अर्जुन रानाले जानकारी दिनुभयो । 

घाईते ती बृद्धलाई दलदलेस्थित राजु मेडिकलमा प्राथमिक उपचार गरी थप उपचारका लागी भरतपुरस्थित मनकामना अस्पताल रिफर गरिएको छ । 

उनको हात–खुट्टा र टाउकोमा गम्भीर चोट लागेको प्रहरीले जनाएको छ । 

मोटरसाईकल र चालक प्रहरीको नियन्त्रणमा छन् । 

पैदल हिडेका कामीलाई दक्षिणबाट उत्तरतर्फ जाँदै गरेको उक्त मोटरसाईकलले ठक्कर दिएको हो ।