भर्खरै नवलपुरको मध्यबिन्दुमा वस अनियन्त्रित भई घरभित्र पस्यो, ५ जना घाइते

खगेन्द्र पराजुली

कावासोती, २६ जेठ

नवलपुरको मध्यबिन्दुमा वस अनियन्त्रित भई घरभित्र पसेको छ । भ्यालवास चोरमारा रुटमा चल्ने ना २ ख ९०२६ नम्वरको वस मध्यबिन्दु नगरपालिकाको कार्यालय नजिकै रहेको घरमा पसेको हो । 

घरमा पस्दा वाहिर बेञ्चमा वसिरहेको ५ जना महिला घाइते भएका छन् । मध्यबिन्दु ७ मा भएको घटनामा सोही ठेगानाकी बर्ष ३० की देउमाया आले, वर्ष २३ की भीमा आले, वर्ष ६२ की साबित्री घर्ती, सरिमा सोती मगर र आइतीसरी मगर घाइते भएका छन् । 

वसले ठक्कर दिएको घर तोस बहादुर आलेको रहेको प्रहरीले जनाएको छ । बस चालक र सवारी साधन दुबै अहिले चोरमारा प्रहरी कार्यालयको नियन्त्रणमा रहेका छन् । 

घटनाको थप बिबरण र घटनाका सम्वन्धमा अनुसन्धान भैरहेको जिल्ला प्रहरी कार्यालय नवलपुरले जनाएको छ ।