कावासोती खानेपानीका नवनिर्बाचितलाई सपथ ग्रहण तथा पद हस्तान्तरण

 खगेन्द्र पराजुली

२२ असार, कावासोती

कावासोती खानेपानी तथा सरसफाई उपभोक्ता संस्थाका नवनिर्बाचित कार्य समिति तथा लेखा समितिलाई पद हस्तान्तरण तथा सपथ ग्रहण गराईएको छ । संस्थाकै सभाहलमा आज आयोजित कार्यक्रममा नवनिर्बाचित कार्य समितिका अध्यक्ष भीमलाल कंडेल लगायत सबै पदाधिकारी, सदस्य, एवं लेखा संयोजक र सदस्यलाई सपथ ग्रहण र पद हस्तान्तरण गरिएको हो । 

कार्यक्रममा प्रमुख अतिथिका रुपमा रहनुभएका संघीय साँसद तिलक महतले नवनिर्बाचित सबैलाई बधाई तथा सफल कार्यकालको शुभकामना दिदै सदरमुकाममा रहेको खानेपानी संस्थाका थुप्रै सम्भावना र चुनौती रहेकाले कावासोती नगरबासीलाई शुद्ध पानी उपलब्ध गराउन समिति निरन्तर लाग्नुपर्ने बताउनुभयो । साँसद महतले यहाँ बृद्धि हुँदै गएको जनघनत्वलाई मध्यनजर गर्दै खानेपानीलाई थप ब्यवस्थित र प्रभावकारी बनाउन आफूले समेत केन्द्रबाट सघाउने र बिशेष गरेर यस्ता योजनामा अव प्रदेशले हेर्नुपर्ने भएकाले कार्यक्रममा उपस्थित प्रदेश साँसदद्धय रोशन गाहा र बिष्णु लामिछानेलाई सहयोगका लागी आग्रह गर्नुभयो । 

निर्बाचन समितिका संयोजक एवं जिल्ला बार नवलुरका अध्यक्ष गणेश सापकोटाको अध्यक्षतामा भएको कार्यक्रममा साँसदद्धय गाहा र लामिछाने लगायत कावासोती नगर प्रमुख चन्द्रा पुन,  खानेपानी संस्थाका निबर्तमान अध्यक्ष बिष्णु भुसाल, समेतको उपस्थिति रहेको थियो ।