लालीगुराँसद्वारा सञ्चालित भलिवल प्रतियोगिताः आज १० समूहको खेल सम्पन्न

खगेन्द्र पराजुली, 

१६ कार्तिक, नवलपुर । 

देबचुली ७ मा हिजो शुक्रवारबाट जारी  देबचुली नगरपालिकाको वडास्तरीय भलिवल प्रतियोगितामा आज शनिवार पहिलो चरणका ८ समूहबीचको ४ खेल सम्पन्न भएका छन् भने दोस्रो चरणको एक खेल सम्पन्न भएको छ । 

पहिलो चरणकोे खेलमा देबचुली १६, मुढावास समुह ए, देबचुली १२ गैडी र मुढावास समुह बी ले जित निकाल्दै दोस्रो चरणमा प्रबेश गरेका छन् । 

प्रतिस्पर्धा देबचुली १६ र आयोजक समुह सी,  मुढावास समुह ए र आयोजक डी, देबचुली १२ गैडी र आयोजक ई तथा मुण्डे समुह बी र मुढावास समुह बी बीच भएको क्लवका सचिव कृष्ण पाठकले बताउनुभयो । 

त्यस्तै दोस्रो चरणको प्रतिस्पर्धामा आयोजक देबचुली लालीगुराँस युवा क्लब र देबचुली ९ बिशालटारबीच भएको खेलमा आयोजक देबचुली लालीगुराँस युवा क्लबले जित निकालेको छ । 

हिजोबाट शुरु भएको खेल भोलीे आईतवारसम्म जारी रहने आयोजकले जनाएको छ । 

प्रतियोगितामा प्रथम, दोस्रो र तेस्रो हुने समूहलाई क्रमशः २५–१५ र १० हजार रुपैंया नगद पुरस्कार प्रदान गरिने खेल संयोजक प्रबिण थापाले बताउनुभयो ।