संघीय सरकारका खानेपानी मंत्री विना मगर नवलपुरका खानेपानी संस्थाहरुको अनुगमनका कार्यक्रममा ब्यस्त

खगेन्द्र पराजुली, 

२७, अशोज, (देबचुली) 

संघीय सरकारका खानेपानी मंत्री विना मगर शनिवार दिनभर नवलपुरका खानेपानी संस्थाहरुको अनुगमनका कार्यक्रममा ब्यस्त रहनुभयो ।

 खानेपानी मंत्री मगरले देवचुली नगरपालिका वडा नम्वर १६ मा शुरु हुन लागेको रजहर खानेपानी तथा सरसफाई उपभोक्ता संस्थाको ओभरहेड ट्यांकीको एक कार्यक्रमका वीच शिलान्यास गर्नुभयो । स्थानीय सुमन अधिकारी र मदन बहादुर अधिकारीले संयुक्र रुपमा दान गर्नुभएको १ कट्ठा ३ धुर जमिन ट्यांकी वन्न लागेको हो ।

 त्यस्तै खानेपानी मंत्री बिना मगरले गैंडाकोट नगरपालिकाको वडा नम्वर १४ मा रहेको नगरटाँडी पुरानो गाहाटाँडीको खानेपानीको अवस्थाको वारेमा बुझ्नुभयो । छोटो रुपमा भएको कार्यक्रममा स्थानीयले आफूहरु अमरापुरी वजार क्षेत्रबाट नजिकै भएको भए पनि भौगोलिक रुपमा पहाडमै रहेको जस्तो लागेको वताएका थिए । गाहाटाँडीबासीले यस क्षेत्रमा खानेपानी, सिंचाई, बिद्युत, लगायत स्वास्थ्य र शिक्षा लगायत मौलिक हकबाट आफूहरु बञ्चित हुनु परेको दुखेसो पोखेका थिए। 

मंत्री मगरले सोही क्रममा नगरटाँडी, गाहाँटाडी, तारानगरको सालघारी, र भागर सहित यस क्षेत्रको खानेपानीको समस्या स्थलगत रुपमै आफूले महशुस गरेको भन्दै यहाँको डिपीआरका लागी तुरुन्तै सघाउने बताउनुभयो ।  अनुगमनकै क्रममा गैंडाकोट नगरपालिका अमरापुरीको अमरापुरी खानेपानी तथा सरसफाई उपभोक्ता संस्थाको लागी स्थायी इन्टेंक, डिप बोरिङ, र ओभरहेडको आवश्यकता रहेको संस्थाका अध्यक्ष गोपी कंडेलले जानकारी दिनुभयो । खानेपानी मंत्री मगरले बर्खाको समयमा जनतालाई शुद्ध र सफा पानी उपलब्ध गराउन गाह्रो परेको यस क्षेत्रमा डिप बोरिङ ओभरहेड वा अन्य उपयुक्त बिकल्पबाट प्रयोगमा आईरहेको पानीलाई ब्यवस्थापन गर्न सक्ने अध्ययन गरेर सहयोग पुर्याउने प्रतिवद्धता ब्यक्त गर्नुभयो । 

त्यसैगरी कावासोती नगरपालिका १६ मा रहेको अग्यौली खानेपानी तथा सरसफाई संस्थाको अनुगमनका क्रममा छोटो समयमा खानेपानीले गरेको प्रगतिप्रति सन्तोष ब्यक्त गर्नुभयो । खानेपानी संस्थाका अध्यक्ष शोभितप्रसाद शर्माले सरकार र संस्थाका संयुक्त लगानीमा खानेपानीको क्षमतालाई बृद्धि गरी यस क्षेत्रको दक्षिण्ी भेगमा रहेको थारु मुसहर वस्तीमा खानेपानी पुर्याउने लक्ष्यलाई सहयोग पुर्याउन गरेको अनुरोधलाई समेत मंत्री मगरले चासो राख्नुभएको थियो । 

खानेपानी मंत्री  शुक्रवार देबचुली नगरपालिकाको प्रगतिनगर खानेपानी संस्थाको साधारण सभा तथा ओभरहेड ट्यांकी उद्घाटन गर्न आउनुभएको थियो । खानेपानी मंत्री सहित मन्त्रीका निजी सचिव दिनेश सागर भुसाल, स्वकीय सचिवद्धय प्रकाश राना र शुकदेव चापागाइलगायतको टीमद्धारा अनुगमन भएको थियो ।