भण्डाराको हर्दी युवा क्लवले ३गोलले जित्यो कदमपुर क्लवलाई (भिडियो सहित)

खगेन्द्र पराजुली

देवचुली, २१ असोज

हरियाली युवा क्लब रजहर द्वारा आयोजित धुसेरी सामुदायिक कप २०७५ को आईतवारको खेलमा चितवन भण्डाराको हर्दी युवा क्लवले जित हात पारेको छ । आइतवारको खेलमा भण्डाराको हर्दी युवा क्लव र नवलपुर देवचुलीको कदमपुर युवा क्लबबीच प्रतिस्पर्धा भएको थियो ।

 रजहरको देवचुली माबिको खेलमैदानमा भएको प्रतिस्पर्धामा भण्डाराको हर्दी युवा क्लवले ३-० को गोल अन्तरले जित हात पारेको हो । हर्दी युवा क्लवका दिपक चौधरीले खेलको ११औं मिनटमा, १५ मिनेटमा आशिष चौधरीले र हाफ पछिको २० औं मिनेटमा हुसेन बिकले १-१ गोल गरेका थिए ।  आईतवारको खेलमा म्यान अफ् दि म्याच हर्दी युवा क्लवबाट पहिलो गोल गर्ने खेलाडी दिपक चौधरी भएका छन् । 

प्रतियोगिताको प्रथम पुरस्कारको राशी १ लाख ५१ हजार द्धितीय पुरस्कारको राशी रु ८१ हजार रुपैया सहित सिल्ड मेडल र प्रमाणपत्र रहेको छ । प्रतियोगिताको मुख्य प्रायोजन धुसेरी सामुदायिक वनले गरेको छ ।