काठमाडौमा प्रहरीले गुन्डा नाइकेलाई गोलि हानी ढाल्यो

२४ श्रावण २०७६, शुक्रबार

काठमाडौं ।

काठमाडौंमा प्रहरीले गोली हानेर एकजनालाई पक्राउ गरेको छ । काठमाडौंको बिजेश्वरीबाट लोप्चन भन्‍ने मिलन लामालाई प्रहरीले गोली हानेर नियन्त्रणमा लिएको हो ।

अपराध महाशाखाको टोलीले पक्राउ गर्न खोज्दा लामा भाग्न खोजेको र सोही क्रममा पक्राउ गर्न गोली चलाइएको महानगरीय प्रहरी कार्यालय रानीपोखरीका प्रवक्ता एसएसपी श्याम ज्ञवालीले बताए । मिलन लामाको घुँडामुनि प्रहरीले दुई गोली हानेको छ ।

घाइते भएका लामालाई प्रहरीले तत्कालै अस्पताल लगेको छ। उनी काठमाडौंका विभिन्‍न क्षेत्रमा अपराधिक क्रियाकलापमा संलग्न रहेको प्रहरीले जनाएको छ। घटनाबारे थप जानकारी आउन बाँकी छ ।