कावासोतीमा ६५ बर्षीय बृद्धबाट बलात्कृत १४ बर्षीया बालिका गर्भबती

खगेन्द्र पराजुली, 

८अशोज, नवलपुर । 

नवलपुरमा ६५ बर्षीय बृद्धबाट बलात्कृत १४ बर्षीया बालिका गर्भबती भएकी छन् । कावासोती नगरपालिका वडा नम्वर १३ गैरीमा बस्दै आएका ६५ बर्षका टेकबहादुर घलेले १४ बर्षकी एक बालिकासँग यौन सम्पर्क गरेको स्वीकारेका छन् । 

भरतपुर महानगरपालिका वडा नम्वर १६ स्थायी घर भएका घलेलाई जिल्ला प्रहरी कार्यालय नवलपुरले गैरीबाट पक्राउ गरेको हो । हिजो अदालतबाट जवरजस्ती करणी ऐन अन्तर्गत म्याद थप गरी थप अनुसन्धान थालिएको  प्रहरी निरीक्षक राजेन्द्र अधिकारीले बताउनुभएको छ । 

बालिकाको अभिभावकले जिल्ला प्रहरी कार्यालय नवलपुरमा दोषीमाथि कारवाहीको माग गर्दै जाहेरी दिएपछि घलेलाई २ दिन अगाडी पक्राउ गरिएको अधिकारीले बताउनुभयो । 

बालिकाको पेट अस्वभाविक रुपमा बढ्दै गएपछि घटना बाहिर आएको हो । 

बालिकाको स्वास्थ्य परीक्षण लगायत अन्य अनुसन्धान भैरहेको प्रहरीले जनाएको छ । 

पिडीत बालिका भएकाले उनको गोपनियताका लागी परिचय गोप्य राखिएको छ । पिडीत बालिका मंगोलियन मुलकी हुन् ।