दुम्कौली प्रतिक्षालयमा बेवारिसे पुरुष मृत फेला

खगेन्द्र पराजुली, 

१३ कार्तिक, नवलपुर । 

देबचुली नगरपालिका २ स्थित दुम्कौली चोकको प्रतिक्षालयमा बेवारिशे पुरुष मृत भेटिएका छन् । 

आज बिहान सुतिरहेको अवस्थामा मृत भेटिएका उनको सनाखत हुन सकेको छैन । मृतक मंगोलियन अनुहारको जस्तो देखिएको अनुसन्धान प्रमुख अधिकारीले जनाउनुभएको छ । 

 ५०–५२ बर्षको जस्तो देखिने उनी ८–९ दिनदेखि सोही प्रतिक्षालयमा बस्ने गरेको स्थानीयलाई उधृत गर्दै जिल्ला प्रहरी कार्यालय नवलपुरका अनुसन्धान प्रमुख राजेन्द्रप्रसाद अधिकारीले जानकारी दिनुभएको छ । 

शवको प्रारम्भिक अनुसन्धान सहित मुचुल्का तयार गरी भरतपुर अस्पतालको शवगृहमा पठाईएको प्रहरीले जनाएको छ ।