बङ्गलादेशका राष्ट्रपति मोहम्मद अब्दुल हमिद पोखरामा, भ्रमणलाई दृष्टिगत गर्दै पोखरामा उच्च सुरक्षा व्यवस्था

२८ कार्तिक, पोखरा । 

बङ्गलादेशका राष्ट्रपति मोहम्मद अब्दुल हमिद पोखरा आईपुग्नुभएको छ  । राष्ट्रपति विद्यादेवी भण्डारीको निमन्त्रणामा चार दिवसीय भ्रमण अन्तर्गत पर्यटकीय नगरी पोखराको दृश्यावलोकन गर्न आफ्नी धर्मपत्नीका साथ राष्ट्रपति हमिद आज पोखरा आनुभएको हो ।

राष्ट्रपति हमिद आज काठमाडौँबाट नेपाली सेनाको हेलिकप्टरमा पोखरा विमानस्थलमा ओर्लनुभएको हो । 

सो अवसरमा गण्डकी प्रदेशका प्रमुख अमिक शेरचन, प्रदेशका कार्यबाहक मुख्यमन्त्री किरण गुरुङ, प्रदेश सरकारका मन्त्रीहरु, प्रदेशसभाका प्रतिपक्षी दलका नेता कृष्णचन्द्र नेपाली, सांसद खगराज अधिकारी, प्रदेशसभाका सभामुख नेत्रनाथ अधिकारी र पोखरा महानगरपालिकाका प्रमुख मानबहादुर जिसीले संयुक्त रुपमा उहाँको स्वागत गर्नुभयो ।

राष्ट्रपति हमिदलाई पञ्चकन्याले फूल अर्पण गर्नुका साथै पञ्चेबाजाको धुनबाट भव्य स्वागत भएकोे छ । 

पोखरा भ्रमणका क्रममा राष्ट्रपति हमिदले फेवातालमा मोटरबोट चढेर जलविहार गरिसक्नभएको  । जलबिहारपछि उहाँ फेवातालकिनारास्थित फिस्टेल लजमा पुग्नुभएको हो ।  हो । उहाँ त्यहाँ केही समय आराम गरेर नेपाली सेनाको हेलिकोप्टरबाट रुपा गाउँपालिकास्थित रुपाकोट रिसोर्ट पुगी त्यहाँबाट पर्यटकीय नगरी पोखराको दृश्यावलोकन गर्ने कार्यक्रम रहेको छ .। उहाँ आजै काठमाडौं फर्कने तालिका रहेको छ .

राष्ट्रपति हमिदको भ्रमणलाई दृष्टिगत गरेर पोखरामा उच्च सुरक्षा व्यवस्था मिलाइएको जिल्ला प्रहरी कार्यालय कास्कीका प्रमुख प्रहरी उपरीक्षक दानबहादुर कार्कीले जानकारी दिनुभयो । 

सबै सुरक्षा निकायको समन्वयमा सुरक्षा व्यवस्थालाई प्रभावकारी बनाइएको उहाँले बताउनुभयो ।