दोस्रो नमुना गोल्डकपमा आज सेन्टर कलेज भरतपुर विजयी

राजु चापागाई

देवचुली, १ मंसिर 

देवचुली नगरपालिकामा संचालित दोस्रो नमुना गोल्डकप २०७६ मा आज   सेन्टर कलेज भरतपुर  विजयी भएको छ । प्रगतिकला मन्दिर युवा क्लबको आयोजनामा जन ज्योति नमुना मा वि को खेलमैदानमा संचालित प्रतियोगितामा  देशभक्त युवा क्लब गोपिगंज र सेन्ट्रल कलेज भरतपुरबिच भएको खेलमा सेन्ट्रल कलेज भरतपुरले १–० गोल अन्तरले  विजयी भएको  हो । 

जितसंगै सेन्ट्रल कलेज भरतपुर सेमिफाइनल प्रवेश गरेको छ ।  

खेलमा  सेन्टर कलेज भरतपुरको  तर्फबाट रोशन रानाले  गोल गरेका थिए । 

आजको खेलमा  सेन्ट्रल कलेज भरतपुरका  रोशन राना   म्यान अफ दि म्याच घोषित भएका छन् ।

               

प्रतियोगिता अन्तर्गतको भोलीको खेल ए के एस फुटबल क्लब प्रगतिनगर र केरुङ क्लब २८ बिगाहाबीच हुने खेल संयोजक प्रकाश श्रेष्ठले बताएका छन् ।