दोस्रो नमूना गोल्ड कपः दोस्रो चरण सम्पन्न, भोलीदेखि सेमिफाईनल हुने

खगेन्द्र पराजुली

३ मंसीर, नवलपुर । 

प्रगति कला मन्दिर देबचुली कैलाशचोकको आयोजनामा जारी दोस्रो संस्करणको नमूना गोल्ड कप प्रतियोगिताको आज मंगलवारको खेलमा हर्दी युवा समाज भण्डाराले जीत निकालेको छ । 

जन ज्योति नमूना माबिको खेल मैदानमा आज भएको हर्दी युवा समाज र भेडावारी युवा क्लवबीचको प्रतिस्पर्धामा २ का बिरुद्ध १ गोल अन्तरले भण्डाराको समुहले जीत निकालेको हो । 

जितसँगै भण्डाराको समुह सेमिफाईनल चरणमा प्रबेश गरेको छ । 

जम्मा ६० मिनेट खेलाईएको खेलमा हाफ अगाडीको ३० मिनेटसम्म निकै प्रतिस्पर्धात्मक रहेको खेलमा हाफ पछाडिको ८ मिनेट र १५ मिनेटमा हर्दी युवा समाजका जर्सी नम्वर १९ का दीपक चौधरीले र जर्सी नम्वर १७का अभिषेक खड्काले क्रमशः १–१ गोल गरेका थिए । 

२ गोलको दवावमा परेको भेडावारी युवा क्लवका जर्सी नम्वर ९ का सुरेश श्रेष्ठले १९ औं मिनेटमा सान्त्वना गोल गरेका हुन् ।  

आजको खेलको म्यान अफ दि म्याच भेडावारीका मिड फिल्डर आकाश थापा भएका छन् । 

आजको खेलसँगै दोस्रो चरणको खेल सकिएकोले भोलीदेखि सेमिफाईनल चरण शुरु हुने आयोजकले जनाएको छ । 

भोलीको खेल आजको एसकेएस फुटवल क्लव प्रगतिनगर र आयोजक प्रगति कला मन्दिर युवा क्लव रातो समुहबीच प्रतिस्पर्धा हुनेछ भने ५ गतेको सेमिफाईनलमा आजको बिजेता हर्दी युवा समाज भण्डारा र बिएफसी भरतपुर भिड्नुपर्ने आयोजकको टाई सिटमा उल्लेख गरिएको छ ।