रजहर दुर्घटनाका घाईते २ जनाकै निधन

खगेन्द्र पराजुली, 

२१ कार्तिक, नवलपुर । 

रजहरमा आज बिहान भएको सडक दुर्घटनामा परी घाईते भएका २ जनाको मृत्यु भएको छ । मृत्यु हुनेमा मोटरसाइकल चालक पाल्पाको पोखराथोक बस्ने २२ बर्षका राजेश नेपाल र मोटरसाईकलमा सवार अन्दाजी २० देखी २५ बर्षका आशिष चौधरी रहेको प्रहरीले जनाएको छ । 

उपचारका क्रममा पछिल्लो अपडेटका समय मृत्यु भएका भनिएका आशिष चौधरीको एटिएम कार्डका आधारमा परिचय मात्र खुलेको तर ठेगाना अझसम्म नखुलेको बताईएको छ । 

देबचुली नगरपालिका १७ रजहरको फारमस्थित स्वास्थ्य चौकीको सामुन्ने पूर्ब पश्चिम लोकमार्ग अन्तर्गत मुख्य–सडकमा  भएको दुर्घटनामा परी मोटरसाईकलमा सवार २ जनाकै उपचारका क्रममा अस्पतालमा मृत्यु भएको नवलपुर जिल्ला प्रहरी कार्यालयका अनुसन्धान प्रमुख राजेन्द्रप्रसाद अधिकारीले बताउनुभएको छ । 

बोलेरो जीपको ठक्करबाट दुर्घटना भएको हुनसक्ने भनिएपनि अहिलेसम्म जीप र जीप चालकलाई प्रहरीले नियन्त्रणमा लिन सकेको छैन । 

नम्बर नखुलेको सेतो रंगको बोलेरो जिपले लु ४१ प २९३९ नम्बरको मोटरसाईकललाई ठक्कर दिएकोले सिसीक्यामेरा फुटेजका आधारमा अनुसन्धान भईरहेको अनुसन्धान प्रमुख अधिकारीले बताउनुभएको छ । 

अहिले मृतक दुबै युवकको शव भरतपुर सरकारी अस्पतालको शवगृहमा राखिएको छ ।