निशुल्क स्वास्थ्य शिबिरबाट १ सय १६ जना लाभान्वित

खगेन्द्र पराजुली, 

माघ २२, नवलपुर । 

देवचुली नगरपालिकाको बिकट पहाडी गाउँ वडा नं ५ को बन्दिपुरका स्थानीयले तीन दिने स्वास्थ्य शिबिरबाट स्वास्थ्य सेवा तथा परामर्श प्रााप्त गरेका छन् । 

सोमवारदेखी आज बुधवारसम्म सञ्चालन गरिएको शिबिरबाट १ सय १६ जना लाभान्वित भएको देवचुली नगर स्वास्थ्य शाखाले जनाएको छ । 

स्वास्थ्य शिबिरमा  ज्येष्ठ नागरिक, अपाङ्ग, महिला तथा बालबालिकाहरु लक्षित भनिएपनि सेवा र परामर्श लिन आएका सबैलाई सेवा प्रदान गरिएको  नगर स्वास्थ्य शाखाका वरिष्ठ अहेव शिव पराजुलीले जानकारी दिनुभयो ।

शिबिरमा दुम्कौली प्राथमिक स्वास्थ्य केन्द्रकी डा. आरती श्रेष्ठ लगायत नगरभित्रका सरकारी स्वास्थ्य संस्थाका कर्मचारी सहित स्वास्थ्य शाखाका कर्मचारी, स्थानीय स्वयंसेबिका लगायतले सेवा प्रदान गरेका थिए ।