देबचुलीका किसानलाई जोताईमा राहतः ट्रयाक्टर भाडामा प्रतिघण्टा ३ सय घट्यो

खगेन्द्र पराजुली

४ बैशाख, नवलपुर । 

देबचुली नगरपालिकाले कृषि प्रयोजनमा जोत्ने ट्रयाक्टरको भाडादर कायम गरेको छ ।  लकडाउन अवधिभर नगरपालिकाका सिचाईयोग्य जमिनमा तत्काल खाद्य वाली लगाई उत्पादन बृद्धि गर्न भन्दै यस्तो निर्णय गरिएको नगरपालिकाले जनाएको छ । 

प्रतिघण्टा १ हजार ८ सय रुपैंया रहेकोमा ३ सय रुपैंया घटाएर १ हजार ५ सय कायम गरिएको प्रमुख प्रशासकीय अधिकृत बिष्णुप्रसाद भुसालले जानकारी दिनुभयो । 

नगरपालिकाले यस अघि पनि खाद्यान्न तथा तरकारी उत्पादनका लागी सिंचाई पहुच भएका जमिन उपयोग गर्न नगरबासीलाई आह्वान गरेको थियो ।