देबचुलीमा आज एकैदिन २ लाख ८१ हजार ३ सय ७६ रुपैंया जम्मा

खगेन्द्र पराजुली, 

३० चैत्र, २०७६, नवलपुर । 

देबचुली नगरपालिकाको फुड बैंकमा आज एकैदिन २ लाख ८१ हजार ३ सय ७६ रुपैंया जम्मा भएको छ । 

आज आईतवार देबचुली नगरपालिकाभित्र रहेका २० वटा सहकारीहरुको तर्फबाट नगर सहकारी सञ्जालले संयुक्त रुपमा एक लाख दश हजार दश रुपैंया बरावरको चेक प्रदान गरेको हो । 

यसैगरी प्रगतिनगरमा प्रधान कार्यालय रहेको नवप्रगति पृथ्वी साकोसले खाद्य बैंकमा पचास हजार एक सय रुपैंयाको चेक हस्तान्तरण गरेको सहकारीका अध्यक्ष मानसिंह खत्रीले जानकारी दिनुभयो । 

यस्तै देबचुली १६ र १७ अन्तर्गत रहेको धुसेरी सामुदायिक वन उपभोक्ता समूह, रजहरले नगरपालिकाद्धारा स्थापित फुड बैंकमा १ लाख रुपैंयाको चेक प्रदान गरेको सामुदायिक वनका अध्यक्ष लोक बहादुर कार्की क्षेत्रीले बताउनुभएको छ । 

यस्तै, देवचुली १,२,४ र ५ को अमर ज्योति सामुदायिक वन उपभोक्ता समूहले पनि आजै १० हजार १ सय ५५ रुपैंया सहयोग गर्ने निर्णय अनुसार   चेक हस्तान्तरण गरेको अध्यक्ष टुकलाल रूचालले जानकारी दिनुभएको छ । 

यस्तै, दलदलेमा रहेको राइनो टायल एण्ड मार्बल ट्रेड लिङ्कका प्रोप्राईटर सिद्धार्थ क्षेत्रीले खाद्य बैंकमा ११ हजार १ सय ११ प्रदान गर्नुभएको देबचुली नगरपालिकाले जनाएको छ । 

तस्बीर सबै देबचुली नगरपालिकाबाट