एक जना संक्रमित थपिए, एक जना डिस्चार्जः निको हुनेको संख्या ११

देबभूमी खवर—

१३ बैशाख, नवलपुर । 

नेपालमा कोरोना संक्रमितको संख्या ४९ पुगेको छ भने निको भएर ११ जना घर फर्किसकेका छन् । 

हिजो शुक्रवार १ जना नयाँ संक्रमित थपिएका हुन् भने १ जना अस्पतालबाट डिस्चार्ज भएको धौलागिरी अञ्चल अस्पतालले जनाएको छ । 

हिजो झापाका ६२ बर्षका एक पुरुषमा संक्रमण पुष्टि भएको हो भने गण्डकी प्रदेशकै पहिलो संक्रमित बाग्लुङकी एक युबती निको भएर घर फर्केकी छन् । 

योसँगै नेपालमा कोरोना संक्रमित ४९ जना पुगेका छन् भने निको हुनेको संख्या ११ पुगेको छ । 

योसँगै कोरोना संक्रमण देखिएका ११ जिल्लामध्ये काठमाण्डौ र बाग्लुङमा कोरोना पुष्टि भएका सबै जना निको भएका छन् । काठमाण्डौमा ५ र बाग्लुङमा २ जनामा कोरोनाका बिरामी फेला परेका थिए ।