नवलपुरका २ सय १ पिसीआर परीक्षणः ३ पोजेटिभ, शुक्रवारका ६ नमूना नेगेटिभ

खगेन्द्र पराजुली, 

१२ जेठ, नवलपुर । 

गत शुक्रवार नवलपुरबाट परीक्षणका लागी पठाईएका ६ जनाको स्वावको पिसिआर रिपोट नेगेटिभ आएको छ ।

 जिल्ला स्वास्थ्य कार्यालय नवलपुरका प्रमुख केशवप्रसाद चापागाईले दिनुभएको जानकारी अनुसार जेठ महिना लागेयता भारतबाट नेपाल भित्रिएका र बिनयी त्रिबेणीका एक संक्रमितको परिवारका गरी ६ जना स्थानीयमा गरिएको स्वाव परिक्षणको रिपोट नेगेटिभ आएको हो । 

यी ६ जनाको स्वाव परिक्षणका लागी भरतपुर कोभिड १९ प्रयोगशाला पठाईएको थियो । 

अहिलेसम्म नवलपुरका २ सय १ स्वाव नमूना परिक्षण भएकामा ३ जनामा पाजेटिभ देखिएको छ भने बाँकी १ सय ९८ जनामा कोभिड १९ भाईरसको संक्रमण नदेखिएको स्वास्थ्य कार्यालयले जनाएको छ । 

यहाँका कोरोना संक्रमित ३ जनामध्ये २ जनाको भरतपुर र १ जनाको काठमाण्डौमा उपचार भैरहेको छ ।