थप १३ जनामा कोरोना पुष्टि, एकैदिन थपिए २४ संक्रमित

देबभुमी खवर—

२९ बैशाख, नवलपुर । 

आज सोमवार साँझ पुनः कपिलबस्तु, रुपन्देही र बर्दियाका १३ जनामा संक्रमण पुष्टि भएको छ ।  स्वास्थ्य मन्त्रालयले बिज्ञप्तिमार्फत् थप १३ जना कोभिड १९ का संक्रमित थपिएको पुष्टि गरेको हो । 

आज मात्रै यो सहित २४ जनामा संक्रमण देखिएको छ । 

मन्त्रालयका सह–प्रवक्ता डा. समिरकुमार अधिकारीद्धारा जारी प्रेस बिज्ञप्तिमा कपिलबस्तु यशोधरा गाउँपालिका ८ र बुद्धभूमी नगरपालिका ७ का ६ जना पुरुषहरुमा र रुपन्देही जिल्ला समरीमाई गाउँपालिका ७ र लुम्बिनी साँस्कृतिक गाउँपालिका ६ का ६ जना पुरुष तथा बर्दिया जिल्ला राजापुर गाउँपालिका ५ की ११ बर्षीया बालिकामा कोरोना भाईरस संक्रमण देखिएको उल्लेख छ । 

यी सक्रमितको परीक्षण काठमाण्डौको राष्ट्रिय जनस्वास्थ्य प्रयोगशालामा भएको जनाईएको छ । 

यो सहित नेपालमा संक्रमितको संख्या १ सय ३४ पुगेको छ ।