गण्डकीको नवलपुर र स्याङजामा गरी थप ४ जना नयाँ संक्रमित

खगेन्द्र पराजुली, 

१५ जेठ, नवलपुर ।

आज गण्डकी प्रदेशमा थप ४ जनामा कोरोना संक्रमित भेटिएका छन् । स्याङजाको बालिङमा र नवलपुरको देबचुलीमा संक्रमित भेटिएको स्रोतले जनाएको छ । 

स्याङजाको वालिङका २ पुरुष र एक महिला तथा नवलपुरको देबचुलीका १ पुरुषमा कोरोना संक्रमण देखिएको हो । 

गण्डकी प्रदेशको सामाजिक बिकास मन्त्रालय अन्तर्गतको स्वास्थ्य निर्देशनालयले वालिङका ३ जनामा संक्रमण भेटिएको जनाएको छ भने नवलपुर जिल्ला स्वास्थ्य कार्यालयले देबचुली १ का १ जना पुरुष संक्रमित रहेको जनाएको छ । 

स्याङजाका संक्रमित स्वास्थ्यकर्मीको सम्पर्कमा रहेको र उनीहरुलाई आईशोलनमा लैजाने तयारी भएको जनाईएको छ । 

भने नवलपुरका संक्रमितलाई भरतपुर आईशोलेसनमा पुर्याईसकिएको स्वास्थय कार्यालयले जनाएको छ । 

योसँगै गण्डकी प्रदेशमा संक्रमित हुनेको संख्या १८ पुगेको छ । 

यीमध्ये बाग्लुङका २ जना निको भएका छन् । 

उपचाररत संक्रमितमा बाग्लुङका ६ जना, नवलपुरका ४ जना, स्याङजाका ५ जना, लमजुङका १ जना गरी १६ जनाको काठमायडौ, चितवन लगायत गण्डकीकै बिभिन्न अस्पतालका आईशोलेशनमा रहेका छन् ।