बाख्रा सहितको पासो थापिएको खोरमा पसेको चितुवा बन कार्यालयको नियन्त्रणमा

देबभूमी खवर—

२८ बैशाख, 

तनहुँमा आज (आईतवार) एउटा चितुवा पासो थापिएको खोरमा फसेको छ । योसँगै अहिलेसम्म आठवटा नरभक्षी चितुवा पासोमा फसेका छन् । 

आज बिहान तनहुँको बन्दीपुर गाउँपालिका–३ शेराटारमा एउटा चितुवा खोरमा परेको हो । 

वन कार्यालयको सहयोगमा स्थानीयवासीले १५ दिन अगाडि यहाँ खोर राखेका थिए ।

चितुवालाई पासोमा फसाउन खोरमा बाख्रा राखिएको थियो । 

बाख्रासहितको खोरमा परेर नियन्त्रणमा आएको चितुवालाई उद्धार गरेर डिभिजन वन कार्यालय तनहुँले ल्याएको डिभिजन वन प्रमुख केदार बरालले जानकारी दिए । 

चितुवालाई त्यहाँबाट कहाँ लैजाने भन्नेबारेमा छलफल हुने बरालले जानकारी दिनुभयो । 

चितुवाको आतङ्क बढेपछि राखिएको खोरमा परेर चितुवा नियन्त्रणमा आएको डिभिजन वन कार्यालय तनहुँले जनाएको छ ।

यसअघि भानु नगरपालिकामा पाँच, व्यास नगरपालिकामा एक र बन्दीपुर गाउँपालिकामा एक गरी सात चितुवा नियन्त्रणमा आइसकेको छ ।

तनहुँको भानु नगरपालिका, शुक्लागण्डकी नगरपालिका, आँबुखैरेनी गाउँपालिका र बन्दीपुर गाउँपालिकामा चितुवाको आतङ्क छ । बीस महिनाको अवधिमा जिल्लामा चितुवाको आक्रमणबाट नौ बालबालिकाले ज्यान गुमाएका छन् ।