आज थपिए नयाँ २ सय १ संक्रमितः नेपालमा संक्रमितको संख्या २ हजार ३ सय पुग्यो

खगेन्द्र पराजुली, 

२१ जेठ, नवलपुर ।

आज बुधवार नेपालमा २ सय १ जनामा कोरोना संक्रमण पुष्टि भएको छ । संक्रमण पुष्टि हुनेमा २ सय ७९ जना पुरुष र २२ जना महिला छन् ।

योसँगै आजसम्म नेपालमा कुल संक्रमितको संख्या २ हजार  ३ सय पुगेको छ ।

आज पछिल्लो २४ घण्टामा कोरोना संक्रमण पुष्टि भएर उपचार गराईरहेकामध्ये १२ जना निको भएका छन् ।

पछिल्लो २४ घण्टामा १२जना संक्रमणमुक्त भएसँगै कुल २ सय ७८ जनालाई डिस्चार्ज गरिएको स्वास्थ्य तथा जनसंख्या मन्त्रालयका प्रवक्ता डा. बिकास देबकोटाले बताउनुभयो ।

आज दोलखाका ७६ बर्षका एक संक्रमितको मृत्यु भएसँगै नेपालमा कोरोनाका कारण ज्यान गुमाउनेको संख्या ९ पुगेको छ ।


हालसम्म नेपालका ७७ जिल्लामध्ये ६४ जिल्लाका मानिसमा संक्रमण पुष्टि भएको छ ।