नवलपुरबाट आज १ सय ९६ स्वाव संकलन, पोखरामा ३२५ भरतपुरमा ८४ परीक्षणको लाईनमा

खगेन्द्र पराजुली, 

२३ जेठ, नवलपुर । 

आज शुक्रवार नवलपुरका ३ वटा नगरपालिका र १ गाउँपालिकाका क्वारेन्टाईनमा बसेका १ सय ९४ जनाको स्वाव संकलन भएको छ । 

गैंडाकोटका १५ जना, कावासोतीका ४१ जना, मध्यबिन्दुका १ सय २२ जना र बिनयीत्रिबेणीका १८ जनाको पिसीआर परीक्षणका लागी स्वाव संकलन भएको जिल्ला स्वास्थ्य कार्यालय नवलपुरले जनाएको छ । 

कार्यालय प्रमुख केशव चापागाईका अनुसार मध्यबिन्दुका १ सय २२ स्वाव   नमूना पोखरा पठाईएको छ भने गैडाकोट, कावासोती र बिनयी त्रिबेणीका ७४ स्वाव नमूना भरतपुर पठाईएको छ । 

यसअघि नवलपुरका पहाडी गाउँपालिका बुलिङटार, बौदीकाली र हुप्सेकोटबाट संकलित १ सय ३४ स्वाव समेत पोखरामा परिक्षणका क्रममै रहेको जनाईएको छ । 

यस्तै, हिजो देबचुलीबाट पोखरा पठाईएका ६९ र आज मध्यबिन्दुका १ सय २२ नमूना समेत गरी पोखराबाट परिक्षण भएर आउनुपर्ने कुल संख्या ३ सय २५  बाँकी छ । 

यस्तै, भरतपुरमा पनि हिजोको बिनयी त्रिबेणीको १० र आजका ७४ गरी कुल ८४ स्वाव नमूनाको रिपोर्ट आउन बाँकी छ ।  

कुल मिलाएर नवलपुरका ४ सय ९ स्वाव नमूनाको रिपोर्ट आउन बाँकी छ । 

अहिलेसम्म नवलपुरका ४ सय १२ स्वाव नमूनाको रिपोर्ट प्राप्त भएमध्ये १० वटामा मात्र पोजेटिभ आएको छ । 

नवलपुरबाट आजसम्म ८ सय २१ स्वाव नमूना संकलन भएका छन् ।