6/06/2020 04:50:00 PM
admin
खगेन्द्र पराजुली,
२४ जेठ, नवलपुर ।
आज शनिवार नेपालमा ३ सय २३ जनामा कोरोना संक्रमण पुष्टि भएको छ ।
योसँगै नेपालमा कुल संक्रमितको संख्या ३ हजार २ सय ३५ पुगेको छ ।
पछिल्लो २४ घण्टामा कोरोना संक्रमण पुष्टि भएर उपचार गराईरहेकामध्ये ३२ जना निको भएका छन् ।
३२ जना संक्रमणमुक्त भएसँगै कुल ३ सय ६५ जनालाई डिस्चार्ज गरिएको स्वास्थ्य तथा जनसंख्या मन्त्रालयका प्रवक्ता डा. बिकास देबकोटाले बताउनुभयो ।
आज थप डोल्पाका एक पुरुष र धनगढीका एक महिलामा पिसीआर पोजेटिभका कारण मृत्यु भएको पुष्टि भएसँगै नेपालमा कोरोनाका कारण ज्यान गुमाउनेको संख्या १३ पुगेको छ ।
हालसम्म नेपालका ७७ जिल्लामध्ये ७० जिल्लाका मानिसमा संक्रमण पुष्टि भएको छ ।
0 ▼प्रतिक्रिया हरु▼:
Post a Comment