अपडेटः एकैदिन नवलपुरका १ सय ८८ स्वावको नतिजा प्राप्तः हुप्सेकोटका १५ जनामा एकैदिन संक्रमण पुष्टि

खगेन्द्र पराजुली, 

३ असार, नवलपुर । 

पोखरा प्रादेशिक प्रयोशालामा १ सय ३६ र भरतपुरको प्रयोगशालाका  ५२  गरी आज एकैदिन १ सय ८८ स्वाव परीक्षणको नतिजा प्राप्त भएको छ । 

जसमध्ये आज एकैदिन नवलपुरका १७ जनामा संक्रमण पुष्टि भएको  छ । 

एकजना पालिका नखुलेका भनिएका संक्रमित समेत हुप्सेकोटका भएको जिल्ला स्वास्थ्य कार्यालयले जनाएको छ । 

आज मात्रै संक्रमित हुनेमा हुप्सेकोटका १८, १९ र २० बर्षका किशोर क्रमश ३, २ र ३ जना, २४ बर्षका २ जना युवकमा र २१, २३, २७, ३५ र ३६ बर्षका युवकमा छन् । यस्तै मधयबिन्दुका १६ बर्षका किशोर र ३० बर्षका युवकमा संक्रमण देखिएको  छ । 

संक्रमित सबै क्वारेन्टाईनमा बसेकाहरु हुन् । 

अहिले संक्रमितलाई रजहरस्थित मध्यबिन्दु जिल्ला अस्थायी कोभिड अस्पताल अन्तर्गत सामुदायिक प्राकृतिक चिकित्सालयको आईशोलेशनमा लैजनाने तयारी भईरहेको छ । 

यस्तै आजै भरतपुर प्रयोशालामा परिक्षण भएर आएको देबचुलीका ५२ स्वाव नमूना सबै नेगेटिभ छ ।