बौदीकालीका १० जना सक्रिय संक्रमित प्राकृतिकमा

खगेन्द्र पराजुली, 

१५ साउन, नवलपुर । 

नवलपुरको बौदीकालीका एक पुरुषमा कोभिड १९ संक्रमण पुष्टि भएको छ । योसँगै नवलपुरमा संक्रमित हुनेको संख्या ३ सय २२ पुगेको छ । 

आज संक्रमण पुष्टि हुनेमा बौदीकाली गाउँपालिका वडा नं. ६ का ३० बर्षका पुरुष हुन् । 

साउदी अरवबाट आएका ती पुरुष असार २८ गते पालिकाको क्वारेन्टाईनमा बसेका प्रमुख प्रशासकीय अधिकृत प्रदिपचन्द्र सुबेदीले बताउनुभएको छ । 

आज एक जना संक्रमित थपिएसँगै बौदीकालीमा संक्रमितको संख्या ३७ पुगेको छ भने संक्रमणमुक्त भई घर फर्कनेको संख्या २७ रहेको छ । 

संक्रमित ती पुरुषलाई प्राकृतिक आईशोलेशन पठाईसकिएको नगरपालिकाले जनाएको छ । वहाँले बौदीकालीका १० जना संक्रिय संक्रमितको प्राकृतिक चिकित्सालयको आईशोलेशनमा उपचार चलिरहेको बताउनुभयो ।