नवलपुरमा आज फेरी १ जनामा संक्रमण पुष्टि

खगेन्द्र पराजुली, 

१ भदौ, नवलपुर । 

नवलपुरको बिनयी त्रिबेणीका एक स्थानीयमा संक्रमण पुष्टि भएको छ । योसँगै नवलपुरमा संक्रमित पुष्टि हुनेको संख्या ३ सय ४३ पुगेको छ । 

प्रादेशिक जनस्वास्थ्य निर्देशनालय गण्डकी प्रदेशले जारी गरेको आईतवार राती ९ बजेको बिज्ञप्ति अनुसार बिनयी त्रिबेणी १ का २८ बर्षका पुरुषमा संक्रमण पुष्टि भएको हो । 

स्वास्थ्य कार्यालय नवलपुरका प्रमुख केशवप्रसाद चापागाईका अनुसार सिजी सिमेन्ट उद्योगमा काम गर्ने एक कर्मचारीमा संक्रमण पुष्टि भएको हो । 

योसँगै बिनयी त्रिबेणीमा मात्रै यात्रा बिवरण नभएका स्थानीयमा भेटिएका संक्रमित संख्या ६ पुगेको छ । 

जसमध्ये यसअघि १ जना सिजीमा कार्यरत पुरुष, वडा नं. ६ का १ जना महिला र एक जना पुरुष र वडा नं. १ का २ जना पुरुष सहित ५ जना प्राकृतिक आईशोलेशनमा उपचाररत छन् । आज संक्रमण पुष्टि भएका ती ब्यक्तिलाई पनि प्राकृतिक आईशोलेशन रजहर लैजाने तयारी भएको छ ।