नवलपुरका थप ३ जनामा संक्रमण, संक्रमित ४ सय २ पुगे

खगेन्द्र पराजुली, 

९ भदौ, नवलपुर । 

नवलपुरका ३ जनामा कोभिड १९ संक्रमण पुष्टि भएको छ । 

भरतपुरस्थित मेडिकल कलेजको प्रयोगशालामा भएको परीक्षणमा नवलपुरका गैंडाकोट, कावासोती र बिनयीत्रिबेणीका एक–एक जना गरी ३ जनामा संक्रमण पुष्टि भएको हो । 

आफ्नै खर्चमा कोभिड १९ परीक्षण गर्न चाहनेहरुले गराएको परीक्षणमा गैंडाकोट १ का २४ बर्षकी, कावासोती १३ का ६५ बर्षकी र बिनयीत्रिबेणी ६ का २३ बर्षकी महिलामा संक्रमण पुष्टि भएको हो । 

थप नयाँ ३ जना संक्रमित थपिएसँगै नवलपुरको कुल संक्रमतिको संख्या ४ सय २ पुगेको छ । 

स्वास्थ्य कार्यालय नवलपुरका प्रमुख केशवप्रसाद चापागाईले  अस्पतालबाट संक्रमितको बारेमा लिखित बिवरण सहितको प्रतिवेदन प्राप्त नभईसकेको बताउनुभयो । 

वहाँले नवलपुरका ३ जनामा संक्रमण देखिएको मौखिक जवाफ आएको बताउँदै अस्पतालले लिखित प्रतिवेदन सरकारी प्रयोगशाला र स्वास्थ्य कार्यालय चितवनलाई पठाएपछि चितवनले नवलपुरसँग समन्वय गरेपछि संक्रमितका बारेमा थप जानकारी प्रष्ट आउने बताउनुभएको छ । 

यसअघिको पछिल्लो नवलपुरको कोरोनाको स्थितिको समाचार तलको लिंकमा छ । 

नवलपुरमा संक्रमित संख्या ३ सय ९९ पुग्यो

सिएमसीले कोभिड १९ पुष्टि गरेको बिवरण