देबचुली नगरपालिकाका कर्मचारी सहित नवलपुरका १७ जनामा संक्रमण

खगेन्द्र पराजुली, 

१९ भदौ, नवलपुर । 

देबचुली नगरपालिकाका एक कर्मचारीमा संक्रमण पुष्टि भएको छ । आज पोखराबाट प्राप्त रिपोर्टमा देबचुली नगरपालिकाका एक पुरुष कर्मचारी सहित गैंडाकोटका बिभिन्न वडाका १६ जना गरी १७ जनामा संक्रमण पुष्टि भएको छ । 

पोखरावाट प्राप्त रिपोर्ट र गैंडाकोट स्वास्थ्य शाखाद्धारा प्रकाशित बिज्ञप्ति अनुसार गैंडाकोट १ का ४ जना, २ का ५ जना, ४ का २ जना र ५ का ५ जनामा संक्रमण पुष्टि भएको जनाईएको छ । 

आज पोजेटिभ पुष्टि भएकासँगै नवलपुरमा कुल संक्रमितको संख्या ५ सय २० पुगेको छ । ३ सय ६६ जना निको भएका भने २ जनाको मृत्यु भएको छ । नवलपुरमा सक्रिय संक्रमितको संख्या  १ सय ५२ छ ।