खगेन्द्र पराजुली,
४ असोज, नवलपुर ।
ज्वाईले खुर्पा प्रहार गर्दा ससुराको मृत्यु भएको छ । नवलपुरको कावासोती नगरपालिका वडा नं. १५ का ७५ बर्षका ससुरा बिष्णु राईको ३१ बर्षीय आफ्नै ज्वाई सुभाष मगरले खुर्पाले घाँटीमा हानेर हत्या गरेका छन् ।
शेरगञ्जस्थित मुसहरबस्तीमा ससुराकै घरमा बस्दै आएका ज्वाईले खुर्पाले हानेपछि गम्भीर अवस्थामा कावासोतीको डण्डास्थित मध्यबिन्दु जिल्ला अस्पताल पुर्याए पनि अस्पतालले मृत्यु पुष्टि गरी शवगृहमा पठाईसकेको जिल्ला प्रहरी कार्यालय नवलपुरले जनाएको छ ।
खुर्पा प्रहार गर्ने ज्वाईको निधारमा चोट लागेकोले प्रहरीकै निगरानीमा जिल्ला अस्पतालमै उपचार भैरहेको जनाईएको छ ।
अहिले जिल्ला अस्पतालमा स्थानीय सहितको भीड बढेको वडाध्यक्ष देबनारायण महतोले जानकारी दिनुभयो ।
राईकै घरमा उनका छोरी, ज्वाई र छोरी–ज्वाईका बच्चा–बच्ची सहित बस्दै आएका थिए ।
जिल्ला प्रहरी कार्यालय नवलपुरका अनुसार आज (आईतवार) राती साढे ८ बजे घटना भएको हो ।
0 ▼प्रतिक्रिया हरु▼:
Post a Comment