खगेन्द्र पराजुली,
नवलपुर, कार्तिक ८ ।
देवचुली १ स्थित नारायणी नदी किनारमा एकादशी मेला हुने भएको छ । कार्तिक १८ गते परेको यसवर्षको हरिबोधनी (ठूलो) एकादशीको अवसर पारेर १६ देखी १८ गतेसम्म मेला आयोजना हुने पत्रकार सम्मेलनमा जनाईएको छ ।
दिब्य मध्यवर्ती सामुदायिक बन उपभोक्ता समूहको संरक्षकत्वमा स्थानीय युवाहरुले मेलाको ब्यवस्थापन र संयोजन गर्ने गरी जिम्मा लगाईएको बन समुहका अध्यक्ष देवीलाल देवकोटाले बताए ।
देवकोटाले केउरेनीस्थित नारायणी नदीमा कार्तिके एकादशी स्नान गर्न आउनेहरुको भिड लाग्ने भएकाले यस क्षेत्रको धार्मिक महत्व प्रचार प्रसार गर्न र नारायणी र निकुञ्जको मध्यवर्ती क्षेत्रको जंगल सफारीको बारेमा जानकारी दिदै आन्तरिक तथा वाह्य पर्यटक बृद्धि गर्ने, यस क्षेत्रका गन्तब्यको चिनारी, जानकारी गराउने उदेश्य अनुरुप तीन दिने एकादशी महात्मय धार्मिक मेला गर्न लागेको बताए ।
मेलाका बारेमा आफ्ना धारणा राख्ने क्रममा सिसवार मध्यवर्ती उपभोक्ता समूहका सचिव मनहरी पौडेलले मेलाले धार्मिक, साँस्कृतिक महत्वका साथै पर्यावरण, जल तथा बन्यजन्तुको संरक्षण जगेर्नाको सन्देस दिन यस्ता मेलाको महत्वपूर्ण भूमिका हुने बताए ।
एकादशी मेला समितिका व्यवस्थापक सुवास ओझाले मेलामा करिब एक सय स्टल रहने बताए । उनले बन समितिलाई मेलाको आम्दानीबाट १ लाख ५० हजार उपलब्ध गराउने र आम्दानीबाट बचेको रकमलाई नारायणी कनिारमा रहेको खेल मैदान मर्मत तथा स्तरोन्नतिमा लगानी गर्ने उदेश्य रहेको जनाएका छन् । मेलामा धार्मिक प्रवचन, सास्कृतिक कार्यक्रम, बाल उद्यान, विभिन्न बस्तुका ब्यवसायिक स्टल रहने जनाईएको छ ।
0 ▼प्रतिक्रिया हरु▼:
Post a Comment