नवलपुर, कार्तिक ५ ।
कावासोतीको वडा नं. ९ मा बालमैत्री स्थानीय शासन सम्बन्धि एक दिने अभिमुखिकरण कार्यक्रम भएको छ ।
कावासोती नगरपालिकालाई बालमैत्री नगर घोषणा गर्ने अभियान अन्तर्गत बाल अधिकार, किशोरी अधिकार र बालमैत्री स्थानीय शासन सम्बन्धि वडास्तरीय अभिमुखीकरण भएको हो ।
बालक्लबका पदाधिकारीहरु र बालबालिकाहरु लक्षित अभिमुखीकरणमा जागृति बाल तथा युवा सरोकार नेपालका अध्यक्ष तिलोत्तम पौडेल, सहजकर्ता राधा देवी बोटे, किशोरी अभियान्ता आशा वि. क. र मान्सु न्यौपानेले सहजीकरण गरेका थिए ।
वडामा भएको कार्यक्रममा वडा नम्बर ९ का कार्यबाहक अध्यक्ष जगदिश खतिवडाले बालमैत्री अभियानमा वडाबाट आवश्यक पर्ने र गर्न सकिने सहयोगमा सदैव सकारात्मक रहेको बताए ।
अभिमुखीकरण कार्यक्रममा जनप्रतिनिधि र बालबालिका सहित ६० जनाको उपस्थिति थियो ।
बालमैत्री नगर घोषणा अभियान सफल पार्न संचालित अभिमुखिकरण कार्यक्रम कावासोती नगरपालिका सामाजिक बिकास शाखाको समन्वयमा सवै वार्डमा बाल क्लबका पदाधिकारी र वार्डका सरोकारवालाहरु लक्षित जारी रहेको जनाईएको छ ।
कार्यक्रमलाई जागृति बाल तथा युवा सरोकार नेपाल र कन्नालानले सहयोग गरेको छ ।
0 ▼प्रतिक्रिया हरु▼:
Post a Comment