8/30/2020 07:39:00 AM
admin
खगेन्द्र पराजुली,
१४ भदौ, नवलपुर ।
नवलपुरको मध्यबिन्दुकी एक किशोरीमा कोभिड संक्रमण पुष्टि भएको छ । योसँगै नवलपुरमा सक्रिय संक्रमितको संख्या १ सय २६ पुगेको छ । आज बिहान स्वास्थ्य कार्यालय नवलपुरलाई प्राप्त विवरण अनुसार मध्यबिन्दु ४ स्थायी घर भएकी २१ बर्षकी किशोरीमा संक्रमण पुष्टि भएको हो ।
ती किशोरी पुरानो मेडिकल कलेज भरतपुरमा कार्यरत स्वास्थ्यकर्मी भएको र उनी सोही अस्पतालको आईशोलेशनमा रहेको स्वास्थय कार्यालय नवलपुरका प्रमुख केशवप्रसाद चापागाईले जानकारी दिनुभएको छ ।
हिजो शनिवार एकैदिन पोखराबाट प्राप्त परीक्षणको रिपोर्ट अनुसार नवलपुरको बिनयी त्रिबेणीको वडा नं. ६ र ७ का १९ जना, पुरानो मेडिकल कलेजमा भएको परिक्षणमा नवलपुरका ५ जनामा संक्रमण पुष्टि भएको थियो ।
अहिलेसम्म नवलपुरमा संक्रमण पुष्टि हुनेहरुको कुल संख्या ४ सय ६५ पुगेको छ भने यहाँका ३ सय ३८ जना संक्रमणमुक्त भई घर फर्किएका छन् । नवलपुरमा कोभिड १९ संक्रमित एक पुरुषको निधन भएको छ ।
0 ▼प्रतिक्रिया हरु▼:
Post a Comment