थप अपडेटः सिएमसीमा संक्रमण पुष्टि भएकी कावासोती १३ की हैनन्

खगेन्द्र पराजुली, 

९ भदौ, नवलपुर

आज मंगलवार भरतपुरस्थित मेडिकल कलेजको प्रयोगशालामा भएको परीक्षणमा कोभिड १९ संकमण पुष्टि भएका ३ जनामध्ये १ जना सीएमसी कै कर्मचारी, एक जना बिरामी र एक जना बिरामीका कुरुवा भएको खुलेको छ । 

स्वास्थ्य कार्यालय नवलपुरका प्रमुख केशव प्रसाद चापागाईका अनुसार गैंडाकोट १ का २४ बर्षकी महिला अस्पतालकै कर्मचारी, कावासोती ३ का ६५ बर्षकी महिला बिरामी र बिनयीत्रिबेणी ६ का २३ बर्षकी महिला बिरामीको कुरुवा भएको जनाईएको छ । 

यसअघि सिएमसीले सार्वजनिक गरेको बिवरणमा कावासोती १३ कि भनिएकी ती महिला कावासोती ३ की भएको स्वास्थ्य शाखा कावासोतीले पुष्टि गर्दै बिज्ञप्ति सार्वजनिक गरेको छ । 
कावासोती ३ की ती महिला मुटुको बिरामी भएको तर कोभिडको कुनै लक्षण नभएको कावासोती स्वास्थ्य शाखाले जनाएको छ । ती महिलाको हिजो नै मुटुको अप्रेशन भएको जनाईएको छ । 

यस्तै, कावासोती १३ का वडाध्यक्ष बिनोद रानामगरले समेत १३ नं. वडाका कुनै पनि ब्यक्तिमा आज संक्रमण पुष्टि नभएकाले भ्रममा नपर्न आग्रह गर्नुभएको छ । 

वहाँले वडा नं. १३ को महिलामा संक्रमण पुष्टि भएको बिवरण अस्पतालले सार्वजनिक गरेलगत्तै खोजपडताल गर्दा ती महिला वडा नं. ३ की भएको र सिएमसीमै उपचाररत रहेको जानकारी दिनुभएको छ ।  

यससँग सम्वन्धित अघिल्लो समाचार तलको शिर्षक लिंकमा 

नवलपुरका थप ३ जनामा संक्रमण, संक्रमित ४ सय २ पुगे