11/14/2020 05:55:00 PM
admin
देबचुलीका छुट्टाछुट्टै २ स्थानबाट प्रहरीले नगद सहित ९ जना जुवाडे पक्राउ गरेको छ ।
तिहारको तेस्रो दिन आज लक्ष्मीपूजामा देबचुलीका ९ जनालाई तास खेलीरहेको अवस्थामा नवलपुर प्रहरीले पक्राउ गरेको हो ।
जिल्ला प्रहरी कार्यालय नवलपुरका सूचना अधिकारी प्रहरी निरीक्षक सागर पन्तका अनुसार ८० हजार ७ सय ४५ रुपैया नगद र १ सय ५९ पत्ती तास सहित उनीहरु देबचुली नगरपालिका वडा नं. ११ कैलासचोकस्थित संजय कुवरले सञ्चालन गरेको पोल्ट्री फर्मभित्रबाट पक्राउ परेका हुन् ।
पक्राउ पर्नेमा देबचुली ११ का ३७ बर्षीय अमरबहादुर गुरुङ, वडा नं. १४ का ४४ बर्षीय कृष्ण श्रेष्ठ र सुरेन्द्र श्रेष्ठ, वडा नं. १४ कै ३७ बर्षीय ओमप्रसाद पौडेल र वडा नं. १३ का २७ बर्षीय टेकराज शर्मा छन् ।
यस्तै, देवचुली न.पा. वडा नं. ५ कदमपुर स्थित कर्ण वहादुर कानुङको घरमा जुवातास खेली रहेको अवस्थामा उनान्तिस हजार छ सय पचहत्तर रुपैया नगद र १ बुक तास सहित ४ जना पक्राउ परेका छन् । पक्राउ पर्नेमा देवचुली न.पा. वडा नं. ६ का ३१ बर्षका केशबहादुर डिसुवा, वडा नं. ५ का बर्ष ३९ को लक्ष्मीप्रसाद सारु, बर्ष ४१ को धनवहादुर गरौजामगर र बर्ष ३३ को टेक वहादुर सतिघरे छन् ।
पक्राउ परेका सबैलाई मुलुकी अपराध संहिता २०७४ को परिच्छेद ५ को दफा १२५ बमोजिम कसुर अन्तर्गत अनुसन्धान कार्य अघि बढाईएको प्रहरीले जनाएको छ ।
गतबर्षको समाचार तलको निलो लिंकमा क्लिक गरेर पढ्नुहोस् ।
0 ▼प्रतिक्रिया हरु▼:
Post a Comment